«Евгений Онегин» - биздин эл үчүн эң сүйүктүү орус операларынын бири. Бул чыгармада А.С. Пушкиндин жана П.И. Чайковскийдин гениалдуу калемдери бириккендигинде гана эмес, музыкасынын чынчылдыгында, чын жүрөктүүлүгүндө, эмоциясында. П. Чайковский Пушкиндин романынын ичинен каармандардын жан дүйнөсү жана жеке тагдырлары менен байланышкан нерселерди алды. Татьяна, Ленский, Онегин образдары, алардын эмоционалдуулугу жана чынчылдыгы аркылуу, бардык убакта жана доорлордо көрүүчүлөргө жакын жана түшүнүктүү. «Евгений Онегин» операсы дүйнөнүн бардык сахналарын айланып өттү.
Бул улуу чыгарманы көрсөтүүдө Россиянын Большой театрынын солисти, Эл аралык конкурстун лауреаты, Россиянын эмгек сиңирген артисти Павел Черных катышат, ал Греминдин партиясын аткарат. Россиялык коноктун өнөктөштөрү кыргыз опера жана балет театрынын мыкты солисттери болот: Эл аралык конкурстун лауреаты Заира Раимбекова (Татьяна), Асель Бекбаева (Ольга), Нуржигит Асанов (Онегин), Эл аралык конкурстун лауреаты Саян Исин (Ленский).
Маалымат: Павел Черных 1987-жылы П. И. Чайковский атындагы Москва мамлекеттик консерваториясын Евгений Нестеренко классы боюнча аяктаган. 1988-жылы Россиянын Большой театрынын стажердук тобуна кабыл алынган, 1990-жылдан тарта опера труппасында солист болуп иштейт.
Ал 1987-жылы Карловы Варахта (Чехословакия) Антонин Дворжак атындагы студент-вокалисттердин Эл аралык конкурстун II сыйлыгынын лауреаты, заманбап композиторлордун вокалдык циклин мыкты аткарганы үчүн Чехословакия радиосунун атайын сыйлыгынын ээси.
Павел Черныхтын репертуарында дүйнөлүк опера классикасынын көптөгөн партиялары бар: Валентин («Фауст»), Елецкий, Томский («Пиковая дама»), Жорж Жермон («Травиата»), Набукко («Набукко»), Мизгирь («Снегурочка»), Скарпиа («Тоска»), Амонасро («Аида»), Роберт («Иоланта»), Сильвио («Паяцы») ж.б.
