Евгений Тимофеев Кыргызстандын тоо лыжачылары арасында Олимпиада оюндарынын мыкты жыйынтыгын көрсөттү

Тоо лыжачы Евгений Тимофеев 22-февралда Кореяда өткөн кышкы Олимпиада оюндарында «слалом» дисциплинасында 40-орунду ээледи.

Бул жыйынтык Кыргызстандык тоо лыжачылары арасында кышкы Олимпиада оюндарында мыкты жыйынтык болуп калды.

Кыргызстандын тоо лыжачы спорту биринчи жолу 2006-жылы Торино (Италия) Олимпиадасында Андрей Борисов тарабынан көрсөтүлгөн. Кыргызстандык эки дисциплинада катышып, гиганттык слаломдо 41-орунду, ал эми слаломдо 59-орунду алды.

2010-жылы Ванкуверге (Канада) Дмитрий Трелевский жөнөп, гиганттык слаломдо 76-орунду, ал эми слаломдо финишке чыга алган жок.

2014-жылы Сочи (Россия) 19 жаштагы Евгений Тимофеев гиганттык слаломдо 61-орунду, слаломдо болсо 41-орунду ээледи.

2018-жылдын 18-февралында Тимофеев Кореядагы оюндарда гиганттык слаломдо 63-орунду, ал эми 22-февралда слаломдо 40-орунду алды.

Бул жыйынтык 2006-жылдан бери Кыргызстандык бардык тоо лыжачылары арасында мыкты жыйынтык болуп эсептелет.