Москвада кыргыз кинематографисттеринин жаңы «Курманжан датка» фильминин премьерасы ийгиликтүү өттү. Лентанын көрсөтүлүшү 10-октябрда борбордук «Аквамарин» кинотеатрында Кыргыз Республикасынын Россия Федерациясындагы Элчилигинин демилгеси менен «Санат-Ордо» маданий борборунун колдоосу менен болду. Бул тууралуу бүгүн News-Asiaга элчиликтин басма сөз кызматынан билдиришти.
Москвадагы кино премьерасына фильмдин Генералдык продюсери, кыргыз парламентинин депутаты Жылдызкан Джолдошова, режиссер Садык Шер-Нияз жана башкы ролду аткаруучу Элина Абай кызы катышты, алар атайын Россиянын борборуна учуп келишкен.
Көрүүчүлөрдүн арасында Россиядагы кыргыз диаспорасынын өкүлдөрү, Кыргызстандын мурдагы элчиси Валентин Власов жубайы менен, Садык Шер-Нияздын мугалимдери жана башка россиялык коомчулуктун өкүлдөрү болду.
- Жыйналгандарга Кыргыз Республикасынын Россия Федерациясындагы Чрезвычайный жана Ыйгарым укуктуу элчиси Болот Джунусов салам жолдоду. Көрүүчүлөр сахнага чыккан фильмдин авторларына кол чабышты. Көрүү учурунда залда толук тынчтык болду, көпчүлүк көрүүчүлөрдүн көз жашын жашыра албаган учурлар болду. Фильм бардык катышуучуларга терең таасир калтырды. Өзгөчө, мекенинен алыс жүргөн мекендештерибиз үчүн бул фильм өтө күчтүү кабыл алынды. Лента күчтүү моральдык жана патриоттук зарядды алып жүрөт, элдин биримдигин чагылдырат жана чоң коомдук резонанс жаратты, - деп билдиришти Кыргызстандын Россиядагы элчилигинин басма сөз кызматынан.
Көрсөтүү толук аншлаг менен өттү. Кинотеатрдагы 1100 орун толтурулду, кошумча көрүүчүлөр өтмөктөрдө, залдын бош жерлеринде жайгашты.
Источник: www.news-asia.ru
