Лос-Анджелесте (АКШ) 4-ноябрда «Курманжан Датка» фильминин премьерасы өттү.
«Премьера жакшы өттү. Залда орун жок болчу. Биздин жердештерибиз - 150-200 адам жана Лос-Анджелестеги кино индустриясынан 200-250 адам келишти, алардын арасында «Оскар» Академиясынын өкүлдөрү жана «Алтын глобус» мүчөлөрү болду. Ошондой эле Голливуддун жаш актерлору жана актрисалары да катышты», - деп билдирди АКИpress агенттигине фильмдин режиссёру Садык Шер-Нияз.
Ал Шэрон Стоун фильм тууралуу абдан жогору пикир айтканын белгиледи.
Ачылышта фильмдин башкы продюсери Жылдыз Жолдошева, актриса Элина Абай кызы, КРнын АКШдагы элчиси катышты.
