Кыргызстанда 1916-жылдагы көтөрүлүш тууралуу «Уркун» документалдык кино тартылып жатат. Фильм көтөрүлүшкө катышкан үй-бүлө мүчөлөрүнүн реалдуу окуяларын баяндайт.
Идеянын автору жана режиссёру Чолпон Субакожоева тартуу иштери 2013-жылдын январь айында башталганын жана бүгүнкү күнгө чейин улантылып жатканын билдирди.
«Бүгүнкү күндө 80% жумуш аякталды. Фильмде «Уркун» көтөрүлүшүнүн күбөсү болгон 10 адамдын тарыхы тууралуу айтылат. Бардык маалымат үй-бүлө мүчөлөрүнүн оозунан алынган — балдар, туугандар. Алардын арасында Ишенбай Абдуразаков, Лариса Исакеева жана башкалар бар. Бул тарыхый фактылар, аларды билүү керек. Убакыт өтүп жатат, катышуучулардын балдары азыр улгайып калды», - деди ал.
Ал негизги максат кыргыздардын тарыхасын сактоо жана болгон окуялар тууралуу чындыкты берүү экенин белгиледи.
«Фильм үчүн Казахстандан материалдар жана документтер жыйналды, Россия жана Өзбекстандан дагы документтер алуу керек - бизде жок материалдар. Мен тиешелүү каттарды Тышкы иштер министрлигине жөнөттүм», - деп баса белгиледи.
Ч. Субакожоева кошумчалады: «Фильм 2016-жылы даяр болот. Бул эки сериялуу фильм болуп, «Уркун» көтөрүлүшүнүн 100 жылдыгына арналган премьерасы өтөт».
