Ахмадеев Али Агапович

Ахмадеев Али Агапович

Звукооператор. Кыргыз ССРдин эмгек сиңирген маданият кызматкери (1979). 1941-жылдын 30-майында Фрунзе шаарында төрөлгөн. 1958-жылы Москва районунун Калинин айылындагы орто мектеп-интернатты аяктаган. 1958—1961-жылдары Түп районундагы «Цементный завод» айылында кино механиги болуп иштеген. 1961-1966-жылдары Ленинград киноинженерлер институтунда окуган. 1967-жылдан баштап А. Ахмадеев «Киргизфильм» студиясында звукооператор болуп иштейт. Ал 40тан ашык көркөм фильмдерди кыргыз тилине дубляждаган, бир нече хроникалуу-документалдуу жана илимий-популярдуу фильмдерди, анын ичинде «Нарынский дневник» толук метраждуу документалдуу фильмди үнгө чыгарган. 1973—1980-жылдары ал Ю. Борецкийдин «Сюда прилетают лебеди», У. Ибрагимовдун «Улыбка на камне», Б. Шамшиевдин «Белый пароход», «Дорога на Кара-Кийик», У. Ибрагимовдун «Поле Айсулу», Б. Шамшиев менен А. Суюндуковдун «Среди людей», У. Ибрагимовдун «Аманат», Д. Соданбектин «Процесс» толук метраждуу көркөм ленталарын үнгө чыгарган. Р. Конурбаев менен биргеликте «Нургазы» документалдуу фильмдин сценарийинин автору жана режиссеру (1976).

1975-жылдан бери СССР СКнын мүчөсү.