Кинорежиссер. Кыргыз ССРдин эмгек сиңирген маданият кызматкери (1976). 1939-жылдын 13-февралында Ош облусунун Ленин районуна караштуу Ленин-Джол айылында колхозчунун үй-бүлөсүндө төрөлгөн. Орто мектепти аяктагандан кийин 1957-жылы Кыргыз мамлекеттик медициналык институтунун дарылоо факультетине тапшырган. 1961-жылы окууну таштап, Фрунзе телевидение студиясына жумушка кирген. 1962-жылдан тартып режиссердук кесипти үйрөнө баштап, 1967-жылы «Киргизтелефильм» студиясынын штаттуу режиссеру болуп дайындалган. Д. Садырбаевдин чыгармачылык өнүгүшү 1964-1969-жылдары Ленинград мамлекеттик театры, музыка жана кино институтунун режиссердук факультетинин сырттан окуу бөлүмүндө билим алуусунун, ошондой эле «Ак-Меёр» оригинал поэтикалык көркөм телефильмдин (режиссер-коомдук М. Убукеев) тартылышында экинчи режиссер катары активдүү катышуусунун натыйжасы.
Ал «Одинокая арча» (1966) көркөм телефильмин, «Киргизская эстрада» (1967), «Сайра комуз» (1969), «Мастера искусств» (1970), «Концерт мастеров искусств Киргизии» (1975) концерт фильмдерин, «Удержись в седле», «Весна Ала-Too» (экиси 1971-жылы), «Земля отцов» (1972), «Чуйская долина» (1973), «Учитель русского языка» (1974), «Кавалер орденов Славы» (1975), «Куйручук» (1972) спектакль-фильмин жараткан.
Д. Садырбаевдин мыкты тасмаларынын бири — «Кнопка» (1973) чоңдордун балдардын руханий ден соолугун, психологиялык абалын гармониялуу жана туруктуу кармоо боюнча жоопкерчилигин талкуулайт.
70-жылдарда режиссер «Лето Эмильбека» (1976, «Киргизтелефильм») тасмасын тарткан, анда советтик жаштарга табиятка кам көрүүнү сунуштайт. Ч. Айтматовдун «Свидание с сыном» повестинин экрандаштыруусу — «Арман» (1977) толук метраждуу түстүү көркөм телефильм согуш жылдары жана азыркы заманда адамдардын тынчтык, балдардын бактылуу келечеги үчүн күрөшүндөгү жогорку гуманизмди ачып берет.
1975-жылдан бери СССР СКнын мүчөсү.
РЕЖИССЕРДИН ЧЫГАРМАЛАРЫ ТУУРАЛУУ
Артюхов О. Как удержаться в седле (кыргызча).— «Ала-Тоо», 1972, № 5, б. 142. Блиндина А. Вся жизнь — в кино.— «Вечерний Фрунзе», 1979, 8-октябрь. Кочнев Д. Найти свою дорогу.— «Советская Киргизия», 1973, 22-февраль. Липкое А. Становление.— Сб. «Многоцветный экран ТВ», «Искусство», 1977, б. 116—117. Омуркулов К. Становление.— «Литературный Кыргызстан», 1975, № 4, б. 99. Хелимская Р. Режиссер телефильма.— «Советская Киргизия», 1975, 11-февраль. Ялымов И. «Киргизтелефильм»: поиск продолжается.— «Советская культура», 1975, 17-июнь.
