Макаров Алексей Григорьевич
Макаров Алексей Григорьевич
Кинохудожник. 1931-жылдын 5-декабрында Грузин ССРинин Гурджаани шаарында кызматкердин үй-бүлөсүндө төрөлгөн. 1948—1953-жылдары толук эмес орто мектепти аяктагандан кийин Тбилиси көркөм училищесинде билим алган, 1953—1959-жылдары ВГИКтин көркөм факультетинде окуган.
Алгачкы эмгек жолун 1958-жылы М. Чиаурелинын «Отарова вдова» фильминде костюм дизайнери болуп баштаган. Анын кийинки чыгармачылык өмүрү «Киргизфильм» менен байланыштуу. А. Макаров «Девушка Тянь-Шаня» (1961) А. Очкин, «Перевал» (1961) А. Сахаров, «Зной» (1963) Л. Шепитько, «Река счастья» (1962), «Балерина Бейшеналиева» (1963), «Мастера искусств Киргизии» (1963) деген оюн фильмдеринде художник-постановщик болуп иштеген.
1964—1967-жылдары «Грузия-фильм» студиясында Г. Шенгелаянын «Награда» («Страницы прошлого») новелласын, Н. Ненованын толук метраждуу «Срок истекает на рассвете» фильмин даярдаган. 1967-жылдын февраль айынан Б. Шамшиевдин чакыруусу менен «Караш» өткөөлүндө «Выстрел» фильмине катышкан. Андан кийин А. Макаров 1973-жылдын майына чейин «Засада» (1969) Г. Базаров, «Это не беда» (1969) А. Видугирис, «Алые маки Иссык-Куля» (1971) Б. Шамшиев, «Улица» (1972) Г. Базаров фильмдеринде иштеген.
1974-жылдан тарта художник «Киргизтелефильм» студиясына өтүп, А. Альпиевдин «И еще один радостный день» (1975), Д. Садырбаевдин «Арман» (1977), «Мастера искусств Киргизии» (1976) фильм-концертине катышкан. Ошол эле учурда режиссурада да иш алып барган: «На сцене — Каиргуль Сартбаева» (1976), «Поет Артык Мырзабаев» (1978), «Мелодии джайлоо» (1978), «Новь древнего Чаткала» (1979).
Наградалары — Кыргыз ССРинин Жогорку Кеңешинин Грамотасы (1962). Кыргыз ССРинин Жогорку Кеңешинин Грамотасы (1969). Кыргызстандын ЛКСМ БКсынын Ардак Грамотасы (1969). «Совет кинематографиясынын отличниги» значогу (1969). «Эрдик эмгеги үчүн» медалы (1970).
1962-жылдан бери СССР СКнын мүчөсү.
ХУДОЖНИКТИН ЧЫГАРМАЛАРЫ ЖӨНҮНДӨ
Дуйшекеев Д. Киноштрихтан башталат (кыргызча).— «Ленинчил жаш», 1971, 15-апрель.
Канаев А. Джайлоодогу ырлар.— «Вечерний Фрунзе», 1977, 15-октябрь.
Комаров А. Ырчынын сөзү.— «Советская Киргизия», 1976, 15-август.
Силантьева Т. Советтердин кино художниктери (кирүүчү макала). М., «Советский художник», 1972, б. 9.
