Симонян Юрий Иванович

Симонян Юрий Иванович

Кино өндүрүшүнүн уюштуруучусу, фильмдин директору. 1931-жылдын 25-декабрында Азербайжан ССРинин Баку шаарында кызматкердин үй-бүлөсүндө төрөлгөн, 1978-жылы Фрунзе шаарында көз жумган. 1951-жылы орто мектепти аяктагандан кийин «Азербайджанфильм» киностудиясына келишим боюнча жумушка кирген. 1954-жылдан 1967-жылга чейин кино өндүрүшүнүн уюштуруучусу катары бардык баскычтардан өткөн. «Эң бактылуу күн» (1955), «Азербайжан ССРи ВСХВда» (1956) фильмдеринде улук администратор, «Ошол жерде ыр жаралат» (1959) Р. Тахмасиб жана С. Микаиловдун, «Көлеңкөлөр жылат» (1959) И. Эфендиевдин фильмдеринде фильмдин директорунун орун басары, андан кийин «Ачуу» (1959) А. Исмаилов, «Сүйүү жөнүндө аңыз» (1961) Л. Сафаров, «Тартуу күчү» (1966) Г. Ссйдбейли жана башка фильмдердин директору болуп иштеген.

1967-жылы Кыргыз ССРинин Министрлер Кеңешинин Кино комитетинин чакыруусу менен Ю. Симонян «Киргизфильмге» келип, Б. Шамшиевдин режиссурасындагы «Караш ашуусундагы ок» кең экрандуу көркөм фильм үстүндө иштөөгө киришкен. Ал ошондой эле «Таштагы жылмаюу» (1974) У. Ибрагимов, «Көздүн чагылышы» (1976) Г. Базаров фильмдеринин директору катары жогорку уюштуруу сапаттарын көрсөттү.

1976-жылдан бери СССР СКнын мүчөсү.