Билим берүү тармагындагы эл аралык мамилелер КР
Кыргызстан жакынкы чет өлкөлөр менен бирдиктүү билим берүү мейкиндигин түзүү принциптерине таянып, ТМД өлкөлөрүнүн 11 мамлекеттери менен байланыш орнотту, тиешелүү министрликтер менен кызматташуу боюнча 28ден ашык ведомстволор аралык жана өкмөттөр аралык келишимдерге кол койду. ТМДга катышуучу мамлекеттер менен макулдашылган мамлекеттик саясатты ишке ашыруу 1997-жылдын 17-январында ТМДнын бирдиктүү билим берүү мейкиндигин түзүү боюнча кызматташуу келишимине кол коюлган учурдан тартып жаңы импульс алды. 2000-2004-окуу жылдарында Россия Федерациясында студенттерди алмашуу программасынын алкагында 600дөн ашык студент жана аспирант билим алды; Тажикстанда — 50 студент, Өзбекстанда — 117, Казакстанда — 90, Украинада Кыргызстандык 18 студент билим алууда. Бүгүнкү күндө ТМД өлкөлөрүндө 700дөн ашык студент жана аспирант билим алууда. Бул кичинекей Кыргызстан үчүн төрт жыл ичинде абдан чоң сан.
ЕвразЭс мамлекеттеринин жалпы билим берүү мейкиндигин түзүү боюнча кызматташуу алкагында 1996-жылдын 29-мартында келишим кабыл алынды, анда Договорго катышуучу мамлекеттердин жарандарына тең укуктарды берүү, экономикалык жана гуманитардык тармактарда интеграцияны тереңдетүү, ошондой эле бул мамлекеттердин билим берүү мекемелерине кабыл алуу боюнча өз ара таанылган эквиваленттүү билим берүү документтери боюнча келишимдер каралган. 1998-жылы Беларусь Республикасы, Казакстан Республикасы, Кыргыз Республикасы жана Россия Федерациясынын өкмөттөрү арасында билим берүү документтеринин, илимий наамдардын жана даражалардын өз ара таанылышы жана эквиваленттүүлүгү боюнча келишимге кол коюлду. Бул келишим мамлекеттик үлгүдөгү документтерге гана таандык, ал келишимге катышкан мамлекеттердин аймактарында күчүндө болот жана өз ара таануу системасын жөнгө салат.
Чет өлкөлөр менен кызматташуу алкагында 2002-жылдын июнь айында Кыргыз Республикасынын жана Кытай Эл Республикасынын өкмөттөрүнүн ортосунда билим берүү документтерин өз ара таануу боюнча биринчи өкмөттөр аралык келишимге кол коюлду.
