Тогуз коргоол боюнча финалда аялдар командаларынын арасында Кыргызстан-1 жана Казакстан командалары беттешет. Сорундар Дүйнөлүк кочмондор оюндарынын алкагында «Рух Ордо» маданий борборунда, Чолпон-Ата шаарында өтүп жатат.
3-орун үчүн Республика Алтай жана Кыргызстан-2 командалары беттешет.
Турнирдин жыйынтыгы боюнча 5-орунду Россия-Поволжье командасы, 6-орунду Швеция, 7-орунду АКШ, 8-орунду Өзбекстан, 9-орунду Германия командасы ээлеп, турнирдик таблицаны Монголия командасы жапты.
Тогуз коргоол боюнча мелдештин жалпы сыйлык фонду 1 млн сомду түзөт, анын ичинен 300 миң сом жеке эсепте, эркектер үчүн 150 миң сом жана аялдар үчүн 150 миң сом. 1-орун үчүн 75 миң сом, 2-орун үчүн 50 миң сом, 3-орун үчүн 25 миң сом.
Калган 700 миң сом командалык эсепте бөлүштүрүлөт: 1-орун 400 миң сом (эркектер жана аялдар үчүн 200 миң сомдон), 2-орун 200 миң сом (100 миң сомдон), 3-орун үчүн 100 миң сом (50 миң сомдон).
Турнирге жалпы 10 аялдар командасы катышты: Германия, АКШ, Швеция, Казакстан, Монголия, Республика Алтай, Россия-Поволжье, Өзбекстан, Кыргызстан-1 жана Кыргызстан-2.
