Алардын маалыматына караганда, кырсык 19-ноябрда Бишкек—Ош унаа жолунун Бирдик айылынан өтүүчү бөлүгүндө болгон.
Кызматтык унаа жолдо бурулуп жаткан учурда (артка кыймылдап жатканда), жогорку ылдамдыкта келе жаткан «Mercedes-Benz» маркасындагы унаа токтоп калууга үлгүрбөй, ага сүзүлгөн.
Кырсыктын видеосу социалдык тармактарда тарап, колдонуучулар арасында активдүү талкуу жараткан.
Жалал-Абад облусунун Ички иштер башкармалыгынын жол коопсуздугун камсыздоо бөлүмүнүн маалыматына ылайык, кырсык катталган.
Ведомстводо бул жол кырсыгында эч ким жабыркабаганын белгилешти.
Жол коопсуздугун камсыздоо бөлүмү кырсыктын болгон жеринде жолчулар жөө адамдар өтүүчү жерге атайын белгилерди орнотууда экенин кошумчалашты.
Кийин Жалал-Абад облусунун Ички иштер башкармалыгы кырсыкка учураган унаа жолчуларга таандык экенин тастыктады.
«Бул кырсыкты текшерүү учурунда, кырсыкка кабылган пикап райондук жол эксплуатациялоо башкармалыгына (ДЭУ) таандык экени аныкталды. Ал күнү жолчулар жөө адамдар өтүүчү жерге атайын макеттерди орнотууда болушкан», - деп билдиришти ведомстводон.
