Тюп районунда жол кырсыгы болуп, бир адам каза болуп, беш адам жаракат алды. Бул тууралуу маалыматты Ысык-Көл облусунун ООБДДсынан беришти.
Расмий маалыматтарга ылайык, 1967-жылы туулган Б.М.Ж. аттуу айдоочу "Toyota Alphard" унаасын башкарган жана "Балыкчы–Ананьево–Каракол" автожолунун 204-километрине жеткенде башкарууну жоготуп алган. Натыйжада унаа жолдон чыгып, даракка урунган.
Окуянын натыйжасында, жүргүнчүлөрдүн бири окуя болгон жерде каза болуп, калган бешөө ар кандай жаракаттар менен ооруканага жеткирилген.
Кырсык Тюп РОВДсынын электрондук журналында катталган. Учурда тергөө органдары окуянын бардык жагдайларын аныктоо менен алектенүүдө.
