Кыргыз Республикасынын Юстиция министрлигинин маалыматына ылайык, Сагындыков Жаркынбек Жумабаевич «Берекет Банк» жетекчиси болуп дайындалган. Банктын негиздөөчүлөрү Нургожоев Нурдөөлөт Садырович жана Султанов Марат Абдыразакович болуп саналат. Банк 2025-жылдын 20-октябрында катталган.
Тарыхый маалымат
Октябрда Улуттук банк «Берекет Банк» жабык акционердик коомун түзүүгө макулдук берди.
Ноябрда президент Садыр Жапаров «Кабар» агенттигине берген интервьюсунда жаңы «Берекет Банк» тууралуу пикир билдирип, анын негиздөөчүлөрү анын уулу Нурдөөлөт Нургожоев жана мурдагы Жогорку Кеңештин спикери Марат Султанов экенин айтты.
Президент банк толугу менен жеке менчик экенин жана мамлекеттик структуралар менен эч кандай байланышта эместигин белгилеп, Binance негиздөөчүсү Чанпэн Чжао менен кызматташуу аркылуу миллиарддаган инвестицияларды тартууга үмүт артып жатканын кошумчалады.
