Бул чечимге ылайык, көрсөтүлгөн округ боюнча депутаттарды шайлоо өткөн деп таанылды жана добуш берүүнүн жыйынтыктары менен протокол бекитилди.
№21 округ боюнча Жогорку Кеңештин депутаттарынын катарына киргендер:
- Куванычбек Конгантиев, 13 379 добуш алган;
- Жаныбек Абиров, 8 914 добуш алган;
- Жылдыз Садырбаева, 2 079 добуш алган.
№21 көпмандаттуу округда шайлоону өткөрүү үчүн 58 шайлоо участогу уюштурулду. Шайлоочулардын тизмесинде 139 403 адам катталган. Алардан 40 393 шайлоочу добуш берүүгө катышты, бул жалпы катталган шайлоочулардын 29,98% түздү.
Округдун ичинде жайгашкан шайлоо участкаларында 34 286 адам добуш берсе, алыстан — 6 107 шайлоочу добуш берди.
№21 округ боюнча шайлоодо 21 талапкер катышты.
Шайлоону даярдоо жана өткөрүү учурунда Координациялык оперативдик жооп берүү тобуна арыздар жана доо арыздар келип түштү. Алардын бардыгы каралып, ар бирине жазуу түрүндө жооптор берилди жана чечимдер кабыл алынып, доо арыздар жана бузуу фактыларынын Реестрине киргизилди.
