Жаңы биринчи орун басарды 15-декабрда Панфилов районунун акими Бекмаат Масаидов жамаатка тааныштырды.
Айбек Мамбетказиев 1984-жылдын 6-декабрында Казакстандын Жамбыл облусунда туулган. Ал үй-бүлөлүк адам жана төрт баланы тарбиялап жатат.
2011-жылы ал И.К. Скрябин атындагы Кыргыз агрардык университетин ветеринардык врач дипломун алып аяктаган. 2014-жылы ал Кыргыз мамлекеттик дене тарбия жана спорт академиясында окуусун да аяктаган.
Эмгек тажрыйбасы
- 2011-2016-жылдар аралыгында Кемин районунун Кара-Булак айыл өкмөтүндө ветеринар болуп иштеген;
- 2016-2019-жылдар аралыгында Кемин райондук балдар-өспүрүмдөр спорт мектебинде тренер, директордун орун басары жана директор сыяктуу ар кандай кызматтарды аркалаган;
- 2019-2024-жылдар аралыгында Кемин районунун Кара-Булак айыл өкмөтүнүн жооптуу катчысы жана башчысы болуп иштеген;
- 2024-жылдан азыркы убакка чейин Кемин районунун Кичи-Кемин айыл өкмөтүн жетектеп келет.
Сыйлыктар
- «Кыргыз Республикасынын муниципалдык кызмат отличниги» төш белгиси;
- «Карегиндей Мекен чеги» чек ара кызматынын төш белгиси.
