Муниципалитеттин өкүлдөрү ардагерлерди үйүндө зыярат кылып, алардын ден соолугун сурап, энергетика секторунун өнүгүшүнө кошкон маанилүү салымдарын баса белгилешти. Алардын эмгектерин тааныгандык белгиси катары эстелик белектер тапшырылып, ыраазычылык сөздөрү айтылды.
Куттуктоолордун арасында:
Адыл Дарбишев — Кара-Кулдун Ардактуу жараны, гидротехник, Кыргыз Республикасынын эмгек сиңирген куруучусу, ошондой эле IV чакырылыштагы шаардык кеңештин депутаты.
Култемир Аскаров — Кара-Кулдун Ардактуу жараны, энергетика тармагында эмгектенет.
Доулбек Усупбаев — Кара-Кулдун Ардактуу жараны, СССРдин энергетика министрлигинин Отличниги жана ТМДнын эмгек сиңирген энергетиги, энергетика тармагында 48 жылдык стажы бар, Кыргыз Республикасынын президентинин Ардак грамота менен сыйланган.
Сабыржан Токтогулов — Кара-Кулдун Ардактуу жараны, гидротехник жана энергетик.
Курманбек Арыков — гидротехник жана Кыргыз Республикасынын Баатыры, өлкөдө алты гидроэлектростанцияны долбоорлоого катышкан.
Кубатбек Култаев — «ТМДнын эмгек сиңирген энергетиги» наамына ээ болгон.
