Маалыматка ылайык, окуя 20-ноябрдын түнүндө, саат 00:40 чамасында болгон. Дежурдук кызматка Кара-Кулдагы өзгөчө кырдаалдар бөлүмүнөн 1972-жылы туулган У. Э. аттуу эркек кишинин дарыяда жоголгону тууралуу сигнал келип түшкөн.
Маалымат алынгандан кийин, окуя болгон жерге №94 ӨКМден 5 куткаруучу жөнөтүлүп, издөө иштерин башташкан. Бирок түнкү убакта көрүнүш начар болгондуктан, операцияны убактылуу токтотууга туура келген.
Учурда издөө иштерине катышып жаткандар:
— №94 ӨКМден 18 куткаруучу;
— 2- республикалык МЧС отрядынан 5 кызматкер;
— Кара-Кул шаардык Ички иштер башкармалыгынан 15 өкүл;
— 25 жергиликтүү тургун;
— 4 тез жардам кызматкер;
— 1 Токтогул ГЭСинин кызматкери дрон менен.
Издөө топтору командаларга бөлүнүп, издөө иштерин улантууда.
