Алынган маалыматка ылайык, 19-ноябрга караган түнү дежурдук бөлүмгө «Спутник» микрорайонунда бир нече ондой жаштардын (15-20 чамасында) мушташ уюштуруп, бири-бирине таш ыргыта баштаганы тууралуу сигнал келип түшкөн.
Жалал-Абад облусунун Ички иштер башкармалыгынын сүрөтү
«Окуя боюнча Кыргыз Республикасынын Кылмыш кодексинин «Хулигандык» беренеси боюнча кылмыш иши козголду. Окуя болгон жерде тергөө тобу күбөлөрдү сурап, видеокөзөмөл камераларынан жазууларды изилдеди. Мушташтын катышуучуларынын бири жаракат алып, Сузак райондук ооруканасына реанимацияга жеткирилди, ага соттук-медициналык экспертиза дайындалды. Оперативдик иш-чаралардын жүрүшүндө милицияга Манас шаарынан 11 тургун жеткирилди. Тергөө уланууда», — деп айтылат расмий маалыматта.
