Окуя 10-ноябрда болгон, ошол күнү 26 жаштагы Кадамжай районунун тургуну жергиликтүү милицияга арыз менен кайрылган. Ал ошол кечинде Панорама аймагында беш белгисиз адамдын кол салуусуна учурап, сабалып, «Samsung» маркасындагы мобилдик телефону жана документтери менен чогуу уурдалганын айтып берген. Мындан тышкары, алардын унаасынын айнегин талкалаганын билдирген.
Окуя боюнча 206-беренеге («Уурулук») ылайык кылмыш иши козголуп, Кызыл-Кий шаардык Ички иштер бөлүмүнүн кылмыш иликтөө бөлүмү тарабынан ыкчам-иликтөө иш-чаралары башталган.
Иликтөө иш-чараларынын натыйжасында беш шектүүнүн баарынын жеке жактары аныкталды, алар Кызыл-Кийдин тургундары. Алардын бири, 21 жаштагы Т.А., убактылуу кармоо жайына жайгаштырылды, ал эми 21 жаштагы А.А., 20 жаштагы О.А., 20 жаштагы М.Н. жана 20 жаштагы А.С. суракка чакырылды.
Учурда тергөө иштери аяктоо стадиясында.
Объектилер
Спутник
⛶
