Кыргыз Республикасынын Кылмыш кодексинин 331-беренеси ("Экстремисттик уюмду түзүү жана каржылоо") боюнча кылмыш ишинин алкагында Кадамжай районунун Уч-Коргон айылындагы жана Кызыл-Кия шаарындагы тургундардын үйлөрүндө тинтүү жүргүзүлүп, "Хизб ут Тахрир аль-Ислами" диний экстремисттик уюмуна тиешелүү тыюу салынган адабияттар жана электрондук маалымат ташуучулар табылды.
Тергөө версиясы боюнча, 1980-жылы туулган Б.Р.К., 1990-жылы туулган Ж.И.И., 1978-жылы туулган И.М.А., 1980-жылы туулган Д.У.Х., 1986-жылы туулган Б.Ж.Ж., 1989-жылы туулган М.Т.Б., 1991-жылы туулган М.О.А., 1978-жылы туулган М.Н.М., 1989-жылы туулган М.Т.К., 1991-жылы туулган А.у.А. жана Баткен облусунун башка тургундары тыюу салынган идеологияны изилдеп, жабык Telegram-каналына катышып, Кыргызстанда халифат орнотууну талкуулаган.
Бардыгы кармалды, алардын арасында мурда экстремисттик ишмердүүлүгү үчүн кылмыш жоопкерчилигине тартылган адамдар да болгон.
