Маалыматка ылайык, 8-октябрда Кара-Суу районунун ички иштер бөлүмүнө 1962-жылы туулган жаран Э. М. арыз менен кайрылган. Ал 5-6-октябрь күндөрү белгисиз адамдын анын үйүнөн 195 миң сом акча жана жалпы суммасы 1 миллион 211 миң сомду түзгөн алтын буюмдарды (боюнча, чынжыр, сырга, билерик жана башкалар) жашыруун уурдап кеткенин билдирген. Натыйжада арыз ээси 1 миллион 406 миң сомдук материалдык зыянга учураган.
Бул факт катталып, тергөө иштери башталды. Жыйналган материалдар негизинде КРнын Кылмыш кодексинин 205-беренеси ("Уурулук") боюнча кылмыш иши козголуп, оперативдүү-тергөө иш-чаралары башталды.
Кара-Суу районунун Ички иштер бөлүмүнүн кызматкерлери тарабынан жүргүзүлгөн оперативдүү-издөө иш-чараларынын натыйжасында, кылмышты жасоого шектелген 1998-жылы туулган жаран А. Ж. кармалды, ал 30-октябрда райондук сот тарабынан камакка алынды.
Тергөө иш-аракеттеринин жүрүшүндө шектүү А. Ж. кылмыштуу ишин улантып, 27-октябрда Кара-Суу шаарынын тургуну Х. А.нын үйүнөн 66 миң 500 сом акча жана 15 миң сомдук бир алтын шакек уурдап кеткенин аныкталды.
Учурда шектүүнүн башка кылмыштарга катыштыгын аныктоо боюнча оперативдүү-издөө иш-чаралары жүргүзүлүүдө.
