Маалыматка караганда, Ленин райондук ички иштер бөлүмүнө бир аял кайрылып, А.А. Тендикте жер тилкесин сатып алууга жардам беребиз деген шылтоо менен 500 миң сом акчасын алып кеткенин билдирген. Каражатты алган соң, шектүү өз милдеттерин аткарбай, изин жашырып кеткен.
Бул факт боюнча, Ленин райондук ИИБ Кыргыз Республикасынын Кылмыш кодексинин 209-беренеси (Алдамчылык) боюнча кылмыш ишин козгоду.
Текшерүү иш-чараларынын жүрүшүндө 1975-жылы туулган А.А. кармалып, убактылуу кармоо жайына жайгаштырылды. Ошондой эле, анын башка окшош кылмыштарга да катыштыгы бар экени аныкталды.
