Кылмыштык кирешелерди легалдаштыруу боюнча жүргүзүлгөн тергөө иштеринин жүрүшүндө Ош шаарында 1,8 гектар жерди мыйзамсыз кайра каттоодон өткөрүү схемасы аныкталды.
«Оперативдик иш-чаралардын жүрүшүндө бул жер участогуна катталган адам кармалды. Бул жер участогу мыйзамсыз жол менен алынган мүлктү легалдаштырууда колдонулгандыгы аныкталды. Тергөө уланууда. Алдын ала баасы 43 миллион 750 миң сом болгон участок мамлекетке кайтарылды. Бул мыйзамсыз аракеттерге башка адамдардын катышуусун текшерүү жүргүзүлүүдө, ошондой эле мүлктү уурдоо жана легалдаштыруу боюнча кошумча фактылар аныкталууда», — деп айтылат расмий билдирүүдө.
