Ведомствонун маалыматы боюнча, Каракол шаарындагы ИИБ кызматкерлери жүргүзгөн ыкчам-издөө иш-чараларынын натыйжасында, 29 уурулук фактысы боюнча шектүү жаран М. Э., 1991-жылы туулган, Каракол шаарынын тургуну кармалды.
6-августта Каракол шаарындагы ИИБге Каракол шаарынын тургуну К. Г., 1986-жылы туулган, арыз менен кайрылды. Арызында ал 18-июлда Каракол шаарындагы мобилдик телефон дүкөнүндө белгисиз адамдар полдон 2 «Redmi Note 14» моделиндеги мобилдик телефон жана 1 «Note 14 Pro» моделиндеги телефонду кутучалары менен чогуу уурдалып кеткенин билдирди.
Бул факт Каракол шаарындагы ИИБнин ЕРПсине катталган, Кыргыз Республикасынын Кылмыш кодексинин 205-беренеси (Уурулук) боюнча кылмыш иши козголгон.
Тергөө учурунда шектүү кармалып, алдын ала суракта толук күнөөнү мойнуна алды. Мындан тышкары, ал ошол эле дүкөндө дагы 29 уурулук кылгандыгы аныкталды.
Тергөө иштери аякталды, кылмыш ишинин материалдары сотко кароого жөнөтүлдү.
