Бул протоколдордун алкагында жүн, кашемир, буурчак, тоок эти жана субпродуктыларды жеткирүү каралган, ошондой эле термикалык иштетилген эт жана терини иштетүүчү чийки затты экспорттоо менен байланышкан үч протокол бар.
Ведомствонун маалыматына ылайык, Кытайга кургатылган жемиштерди жеткирүү башталды. Алгачкы партия, 23 тонна кургатылган өрүктөн турган, ийгиликтүү жөнөтүлдү. Азыркы учурда шарап, өсүмдүк майы жана жашылча-жемиштерди экспорттоого даярдык көрүлүүдө.
«Ошол эле учурда кыргыз балын Улуу Британияга жеткирүү башталды — 298 кг продукция экспорттолду, бул Европанын рыногуна чыгуу үчүн маанилүү кадам болду», — деп белгилешти министрликтен.
Мындан тышкары, Сауд Аравиясына 144 ат экспорттолду. Кургатылган жемиштер, бал жана башка кайра иштетилген продукциялар да санариптик экспорттук платформалар аркылуу сатылууда.
