Жаңы түзүлгөн объектилердин арасында логистика жана соода борборлору, ошондой эле дан, жашылча жана жемиштерди кайра иштетүү, сүт азыктарын, эт, балык, өсүмдүк майын жана жүндү өндүрүүчү заводдор бар. Мындан тышкары, органикалык өндүрүш үчүн объектилер каралган.
«Бул долбоорлорду ишке ашыруу 2 707 жаңы жумуш ордун түзүүгө алып келди, бул региондордун өнүгүшүнө, калктын жумуш менен камсыз болушунун жогорулашына жана агроөнөржай секторунун өндүрүш потенциалын чыңдоого оң таасирин тийгизди. Ошондой эле, 2025-жылдын январь-ноябрь айларындагы маалыматтарга ылайык, республикадагы тамак-аш өнөржайынын үлүшү жалпы өнөржайдын көлөмүнүн 17,4 %ын түздү», — деп белгиленет маалыматта.
Алдын ала маалыматтар боюнча, 2025-жылдын 11 айында агроөнөржай комплексинин ишканалары учурдагы баалар боюнча 94,2 миллиард сомдук тамак-аш продукциясын өндүрүштү, бул физикалык көлөмдүн индексине 127,8 %га туура келет.
Кыргыз Республикасынын 2030-жылга чейин өнүктүрүү программасына ылайык жана агроөнөржай комплексинде мамлекеттик саясаттын максаттуу багыттарына ылайык, 385 кайра иштетүүчү ишкананы пайдаланууга берүү пландалууда. Бул айыл чарба продукциясын кайра иштетүүнүн деңгээлин 25 %га жогорулатууга мүмкүндүк берет. Бул тармакка инвестициялардын жалпы суммасы 20,96 миллиард сомду түзөт.
2026-жылы 75 жаңы кайра иштетүүчү ишкананы ачуу пландалууда, инвестициялардын көлөмү 9,1 миллиард сом деңгээлинде күтүлүүдө. Министрлик белгиленген максаттуу көрсөткүчтөргө жетүү үчүн активдүү ишин улантат.
