Анын айтымында, бул тармак туруктуу өсүүнү көрсөтүүдө: өткөн жылдын ушул мезгили менен салыштырганда кайра иштетүү деңгээли 140%га өскөн.
Өткөн жылы президенттин жарлыгы менен өнүгүү стратегиясы кабыл алынды, анын негизинде айыл чарба сырьёсуна кайра иштетүүнүн үлүшү 50%га жетет деп пландалууда.
«Биздин инвестициялык долбоорлорубуздагы негизги өнөктөштөрүбүз Дүйнөлүк банк жана Азия өнүктүрүү банкы болуп калууда. Бул жылы жаңы багыттар боюнча айыл чарба сырьёсуна кайра иштетүү үчүн 20 миллион долларга чейин каржылоо каралган», — деп кошумчалады Чыналиев.
Ал ошондой эле мамлекеттик колдоонун негизги механизмдеринин бири агроөнөр жай комплекси үчүн жеңилдетилген кредит берүү программасы экенин, бул программа жабдууларды жаңылоого, өндүрүш кубаттуулугун кеңейтүүгө жана региондук кайра иштетүү ишканаларын түзүүгө багытталганын белгиледи.
