Инициатива Кабинетинин министри жана Су ресурстары, айыл чарба жана кайра иштетүү өнөр жайы министри Бакыт Торобаевдин тапшырмасынын алкагында өтүп жатат. Ярмаркалардын негизги максаты азык-түлүк бааларын стабилдештирүү жана аларды эң уязвимдүү катмардагы калк үчүн жеткиликтүү кылуу.
Ярмаркалар өтүүчү жер — Т. Усубалиев атындагы аянт, ошондой эле И. Раззаков жана Абдымомунов көчөлөрүнүн кесилишинде, Эркиндик бульвары (Биринчи май району). Иш-чаралардын негизги максаты — отандык өндүрүүчүлөрдү колдоо, калкка сапаттуу жана жеткиликтүү азык-түлүктөрдү берүү, ошондой эле өлкөнүн ички азык-түлүк рыногун бекемдөө.
Министрлик фермерлерди, кол өнөрчүлөрдү жана ярмаркаларга катышууга кызыкдар жергиликтүү өндүрүүчүлөрдү чакырат. Катышуучуларга төмөнкү талаптар коюлат:
– Продукция сапаты жана экологиялык жактан айырмаланууга тийиш;
– Баалар базардык баалардан төмөн болушу керек;
– Министрликтин райондук агрардык башкармалыгынан тастыктоочу катты берүү зарыл.
