Кыргыз Республикасынын Улуттук статистика комитетинин алдын ала маалыматына ылайык, 2014-жылдын январь-сентябрь айларында реалдуу ИДП өсүшү 3,0% деңгээлинде болуп, 2013-жылдын ушул мезгилине салыштырганда 5,9 пайыздык пунктка төмөн, ал эми номиналдык ИДП көлөмү 266,6 млрд. сомду түздү.
«Кумтор» кенин иштетүүчү ишканаларды эске албаганда, экономикадагы реалдуу өсүш 2,7% түздү (2013-жылдын январь-сентябрь айларында 5,8% өсүш) өнөр жайдагы (Кумторду эске албаганда) өндүрүштүн өсүшүнүн натыйжасында (3,2%), курулушта (14,3%), кызмат көрсөтүүдө (2,7%).
2014-жылдын январь-сентябрь айларында керектөө бааларынын индекси өткөн жылдын декабрына салыштырганда 5,0% түздү (2013-жылдын январь-сентябрь айларында 2012-жылдын декабрына 1,6%).
Керектөө бааларынын индекси өткөн жылдын ушул мезгилине салыштырганда 6,8% түздү (2013-жылдын январь-сентябрь айларында 2012-жылдын январь-сентябрь айларына 7,4%).
Доллардын эсептик курсу 2013-жылдын сентябрь айынын аягына салыштырганда 12,14% көбөйүп, 2014-жылдын сентябрь айынын аягында 54,5202 сом/АКШ доллары болду.
2014-жылдын январь-сентябрь айларында өнөр жай продукциясынын реалдуу өндүрүшү 5,1% өстү (2013-жылдын январь-сентябрь айларында 19,3% өсүш). Кумторду эске албаганда өнөр жайда өсүш 3,2% болду (2013-жылдын январь-сентябрь айларында 0,1% өсүш) кайра иштетүү өнөр жайында – 5,4%, энергетика секторунда – 7,2% өсүш болду. Полездүү казындыларды өндүрүүдө 7,2% төмөндөө байкалган.
2014-жылдын январь-сентябрь айларында кызмат көрсөтүү секторунда реалдуу өсүш 2,7% түздү (2013-жылдын январь-сентябрь айларында 5,7% өсүш). Оптовая жана розничная соода, унаа жана мотоциклдерди оңдоо кызматтары 4,4% өстү, ал эми розничная соода (унаа жана мотоциклдерди соодалоодон тышкары) 5,8% өстү.
2014-жылдын январь-сентябрь айларында мейманканалар жана ресторандар кызматтары 7,5% өстү (2013-жылдын январь-сентябрь айларында 11,9% өсүш).
2014-жылдын январь-сентябрь айларында почта жана курьердик кызматтар 2013-жылдын ушул мезгилине салыштырганда 7,1% өстү, байланыш кызматтары 4,1% өстү, тарифтик кирешелер 18 890,8 млн. сомду түздү.
2014-жылдын январь-сентябрь айларында жүргүнчүлөрдү ташуу кызматтары 2,2% өстү. Бардык транспорт түрлөрү менен жүк ташуу көлөмү 4,8% өстү (2013-жылдын январь-сентябрь айларында 4,8% өсүш).
2014-жылдын январь-сентябрь айларында айыл чарба, орман чарба жана балык уулоонун продукциясынын көлөмү 151 975,1 млн. сомду түздү, 2,2% төмөндөдү (2013-жылдын январь-сентябрь айларында 3,2% өсүш).
2014-жылдын январь-сентябрь айларында негизги капиталга инвестицияларды тартуу деңгээли бардык финансылык булактар боюнча 15,1% өстү, өткөн жылдын ушул мезгилине салыштырганда (2013-жылдын январь-сентябрь айларында 1,4% төмөндөө). Отчеттук мезгилде негизги капиталга 59 227,2 млн. сом инвестиция тартылган.
2014-жылдын январь-сентябрь айларында курулуштун жалпы валдык продукциясынын көлөмү 57 960,5 млн. сомду түзүп, 14,3% өстү (2013-жылдын январь-сентябрь айларында 16,9% өсүш).
2014-жылдын сентябрь айынын аягында расмий катталган жумушсуздардын саны 57,9 миң адамды түзүп, 2013-жылдын ушул мезгилине салыштырганда 1,4% төмөндөдү (2013-жылдын январь-сентябрь айларында 5,6% төмөндөө).
2014-жылдын январь-август айларында орточо айлык эмгек акынын реалдуу өсүшү 1,4% түздү, номиналдык түрдө орточо айлык эмгек акы 11 965 сомду түздү.
Алдын ала маалыматтар боюнча, 2014-жылдын январь-август айларында тышкы соода жүгүртүүсү 4 393,7 млн. АКШ долларын түзүп, 2013-жылдын январь-август айларына салыштырганда 3,9% төмөндөдү, анын ичинде экспорт – 946,8 млн. АКШ доллары (5,1% өсүш) жана импорт – 3 446,9 млн. АКШ доллары (6,2% төмөндөө).
Алтынды эске албаганда, экспорттун көлөмү 605,9 млн. АКШ долларын түздү (6,7% төмөндөө).
Импорттун көлөмүнүн экспорттон ашып кетиши менен соода балансы терс сальдосунун көлөмү 2 500,1 млн. АКШ долларын түзүп, 2013-жылдын ушул мезгилине салыштырганда 9,8% төмөндөдү.
