Коллекциялык күмүш монета «Джейран» негизги сюжетинин сүрөтү эки джейранды, жергиликтүү алтын жалатуу технологиясы менен басып чыгарган. Монетанын бетинин жогорку бөлүгүндө кыргыз тилинде «Жейрен» монетасынын аталышы, төмөнкү бөлүгүндө – латин тилинде түрдүн аталышы «Gazella Subgutturosa» көрсөтүлгөн. Ошондой эле бетинде металлдын сынагы жана салмагы (Ag 925/28,28) жана монетанын номиналы (10 сом) көрсөтүлгөн.
Монетанын арткы бетинде Кыргызстандагы жаныбарлар дүйнөсүнүн стилизденген сүрөттөрү, «Кыргызстандын Кызыл китеби» сериясынын аталышы, Кыргыз Республикасынын герби жана монетанын чыгарылган жылы (2013) көрсөтүлгөн.
21-август 2012-жылдан тартып Кыргыз Республикасынын көз карандысыздыгынын күнүнө карата Кыргыз Республикасынын Улуттук банкы «Снежный барс» аттуу 10 сомдук күмүш монетаны жүгүртүүгө чыгарды.
«Снежный барс» күмүш монетасынын бетинде стилизденген тоо чокусунун фонуна кар барысы сүрөттөлгөн. Монетанын бетинин жогорку бөлүгүндө кыргыз тилинде «Ак илбирс» монетасынын аталышы, металлдын сынагы жана салмагы (Ag 925/28,28), төмөнкү бөлүгүндө – монетанын номиналы (10 сом) көрсөтүлгөн. Монета 2 Swarovski® кристаллынын киргизилиши менен жасалган.
Монетанын арткы бетинде Кыргызстандагы жаныбарлар дүйнөсүнүн стилизденген сүрөтү, кыргыз тилинде «Кыргызстандын Кызыл китеби» сериясынын аталышы, Кыргыз Республикасынын герби жана монетанын чыгарылган жылы (2012) көрсөтүлгөн.
Ар бир күмүш монета акрил капсулаларга жайгаштырылып, сертификат менен кошо өзүнчө кутучаларга орнотулган.
Коллекциялык монетанын спецификациялары
Коллекциялык күмүш монеталар «proof» жогорку эл аралык сапатка жана Кыргыз Республикасында расмий төлөм каражаты статусуна ээ.
