Кыргыз Республикасынын Улуттук банкы жөнүндө мыйзамдын 15-беренесине жана Кыргыз Республикасынын Улуттук банк башкармалыгынын 2007-жылдын 11-октябрына карата № 44/2 "1, 10, 50 тыйын жана 1, 3, 5 сом номиналындагы монеталарды айланууга чыгаруу" боюнча токтомуна ылайык, Кыргыз Республикасынын аймагында 2008-жылдын 1-январынан баштап 1 тыйын номиналындагы коллекциялык монета жана 10, 50 тыйын, 1, 3, 5 сом номиналындагы айланма монеталар айланууга киргизилет.
5 сом номиналындагы айланма монета болоттон жасалган жүрөктү никель менен каптоо ыкмасы менен даярдалган.
Монетанын алдыңкы бетинде улуттук кымыз ичими үчүн салттуу кыргызча териден жасалган кёёкёрдүн сүрөтү колдонулган. Ар бир кёёкёрдө үч бурчтук түрүндө көрсөтүлгөн тумар символу жайгаштырылган, ал кыргыз орнаменттеринде колдонулган.
Монетанын арткы бетинде Кыргыз Республикасынын герби жана монеталардын чыгарылган жылы жайгаштырылган.
5 сом номиналындагы айланма монета Кыргыз Республикасында расмий төлөм каражатынын статусуна ээ жана 2008-жылдын 1-январынан баштап төлөм каражаты катары милдеттүү түрдө кабыл алынууга тийиш.
Монеталардын техникалык спецификациялары:
