Кыргыз Республикасынын Улуттук банкы жөнүндө мыйзамдын 15-беренесине жана Кыргыз Республикасынын Улуттук банк башкармалыгынын 2007-жылдын 11-октябрындо № 44/2 чыгарган "1, 10, 50 тыйын жана 1, 3, 5 сом номиналындагы монеталарды айланууга чыгаруу жөнүндө" токтомуна ылайык, Кыргыз Республикасынын аймагында 2008-жылдын 1-январынан баштап 1 тыйын номиналындагы коллекциялык монета жана 10, 50 тыйын, 1, 3, 5 сом номиналындагы айланма монеталар айланууга киргизилет.
50 тыйын номиналындагы айланма монета болоттун жүрөгүн латун менен каптоо ыкмасы менен жасалган.
Монетанын беттик жагында кыргыз кол өнөрчүлүгүндө байыртан бери кездешип келген эң белгилүү жана кооз орнаменттик элементтердин бири болгон гүлдүн сүрөтү колдонулган.
Монетанын арт жагында Кыргыз Республикасынын герби жана монеталардын чыгарылган жылы жайгашкан.
50 тыйын номиналындагы айланма монета Кыргыз Республикасында расмий төлөм каражатынын статусуна ээ жана 2008-жылдын 1-январынан баштап төлөм каражаты катары милдеттүү түрдө кабыл алынат.
Монеталардын техникалык спецификациялары:
