2011-жылдын 20-декабрынан тартып Кыргыз Республикасынын Улуттук банкы Евразия экономикалык биримдигинин өлкөлөрүнүн эл аралык программасынын алкагында кымбат баалуу металлдардан жыйноочу монеталарды чыгаруу жана сатуу боюнча жыйноочу күмүш монета «Улуу Жибек жолу» 10 сом номиналында жүгүртүүгө чыгарды.
Жыйноочу монеталардын бардык сериясынын негизги бириктирүүчү элементи Евразия экономикалык биримдигинин уюмунун эмблемасы болуп саналат.
«Улуу Жибек жолу» күмүш монетасынын бет жагында ЮНЕСКОнун Дүйнөлүк мурас объекттеринин тизмесине кирген белгилүү архитектуралык-мәдени эстеликтердин силуэттери сүрөттөлгөн. Бет жагынын алдыңкы планына жогорку сапаттагы алтындан жасалган стилизделген Улуу Жибек жолунун маршруту көрсөтүлгөн, ал эми арткы планда Евразия картасы жайгашкан. Монетанын сол жагында металлдын сынамыгы жана салмагы (Ag 925/31,10 г) көрсөтүлгөн, төмөнкү жагында – монетанын номиналы (10 сом). Монетанын арткы жагында Кыргыз Республикасынын мамлекеттик герби, тоолор аркылуу жүрүп жаткан кербен, монетанын айнек бетинде мираждай чагылдырылган жана чыгарылган жылы (2011) көрсөтүлгөн.
Ар бир күмүш монета акрил капсулага салынган жана өзүнчө кутучага оролгон, ага сертификат кошулган.
Жыйноочу монетанын спецификациясы
