Бүгүн Бишкекте Энергетика министрлигинин коллегиясы өтүп, 2025-жылдын биринчи тогуз айындагы энергетикалык компаниялардын ишинин жыйынтыктары чыгарылды.
Берилген маалыматтарга ылайык, өлкөдөгү жалпы электр энергиясын керектөө 13,8 миллиард кВт⋅ч түздү, ал эми электр энергиясын өндүрүү 11,3 миллиард кВт⋅ч жетти.
Электр энергиясын өндүрүү структурасы төмөндөгүдөй:
- Чоң гидроэлектр станциялары — 9,7 млрд кВт⋅ч;
- Кичи гидроэлектр станциялары — 0,18 млрд кВт⋅ч;
- Мини-гидроэлектр станциялары — 0,16 млрд кВт⋅ч;
- Жылуулук электр борборлору — 1,3 млрд кВт⋅ч;
- Күн электр станциялары — 0,7 млн кВт⋅ч.
Коллегияда Энергетика министрлиги жергиликтүү электр энергиясын өндүрүүнүн үлүшүн көбөйтүү, ошондой эле кичи жана жаңылануучу энергияны өнүктүрүү жана өлкөдөгү учурдагы энергетикалык объекттерди модернизациялоо боюнча активдүү иш алып барууда экендиги белгиленди.
