Талкуу учурунда катышуучулар өлкөнүн суу ресурстарынын учурдагы абалы, ирригациянын өнүгүү келечеги жана инвестициялык стратегияны түзүүнүн зарылдыгы тууралуу сөз кылышты.
Суу ресурстары министринин орун басары Алмаз Жээналиев Кыргызстандын буга чейин бир нече негизги документтер, анын ичинде 2040-жылга чейин Улуттук суу стратегиясы, 2030-жылга чейин Улуттук өнүктүрүү программасы, жаңыланган Суу кодекси жана Агрардык өнөр жай комплексин өнүктүрүү боюнча Президенттин Указы иштелип чыкканын белгиледи.
Алдын ала баалоолор боюнча, ирригацияга инвестициялар суу сактагычтарды куруу, каналдарды модернизациялоо, суу үнөмдөөчү технологияларды киргизүү жана суу эсепке алуу системасын санариптештирүү сыяктуу долбоорлорго багытталууга тийиш.
