Министрликтин маалыматына ылайык, кайрылуулардын 50% ирригация менен байланышкан маселелерге, ал эми 30% калк үчүн ичүүчү сууга болгон муктаждыкка тиешелүү.
2024-жылдын тогуз айынын жыйынтыгы боюнча төмөнкү иш-чаралар жүргүзүлдү:
— Күнүмдүк жана он күндүк типтеги 10 жөнгө салуучу бассейндин курулушу аякталды, азыр алар иштеп жатат. 12 объектиде иштер улантылууда, ал эми 29 объект боюнча долбоорлоо жүргүзүлүүдө;
— 430 чакырым каналдарда, 302 гидротехникалык курулмаларда, 123 суу өлчөө постторунда, 91 насостук станцияда жана 156 насостук агрегатта оңдоо жана тазалоо иштери жүргүзүлдү. Тогуз насостук агрегат алмаштырылды, ошондой эле 53,5 чакырым коллектор-дренаждык тармак тазаланды;
— 8 миң 365 гектар аянтта тамчы жана жамгыр менен сугаруу системалары орнотулду, анын ичинде 1 миң 702 гектар мамлекеттик жерлер жана 6 миң 663 гектар жеке фермердик участоктор;
— Бетон жабууларды өндүрүү заводу курула баштады, быйыл 500 миң чарчы метр каналдарга бетон төшөө пландалууда;
— 85 айылда калкты таза ичүүчү суу менен камсыз кылуу боюнча иштер жүргүзүлүүдө, 2025-жылдын аягына чейин алардын 60 пайызы бул маанилүү ресурс менен толук камсыздалат.
