Чыналиев белгилегендей, өлкөдө 11 миңден ашык кайра иштетүүчү уюмдар ийгиликтүү иштеп жатат, алардын негизги бөлүгү Бишкек жана Чүй облусунун айланасында жайгашкан. Кийинки орунду Ош жана башка ири шаарлашкан аймактар ээлейт.
«Өткөн жылы жүргүзүлгөн анализдин натыйжасында, өлкөнүн 40 районунда кайра иштетүүчү ишканалар жок экенин аныктадык. Ошондуктан министрлик акимдер жана райондук агрардык өнүктүрүү башкармалыктары менен кызматташууга киришти. Биз кайра иштетүүчү өндүрүштү түзүү үчүн өнүктүрүү фонддорунан 5 миллион сомдон кем эмес бөлүүнү сунуштадык. Бул жылы пландаштырылган 63 ишкананын 35ин ачтык», — деди Чыналиев.
Ал ошондой эле 2030-жылга чейин Улуттук өнүгүү стратегиясына ылайык, 40 районго бирдей бөлүштүрүлгөн 385 кайра иштетүүчү ишкананы түзүү боюнча план иштелип чыкканын кошумчалады.
