«Мурда биз «3+2» форматында иштедик, ал үч багытты - өсүмдүк өстүрүү жана эки багытты - мал чарбачылыгын камтыды. Бул учурда фермерлерге агрономдор, ветеринарлар жана агрардык органдын адистери колдоо көрсөтүштү. Бүгүнкү күндө долбоор «30+20+10» форматына кеңейтилип, анда 10 - бул кайра иштетүү», - деп белгиледи Кененбаева.
Долбоор фермерлердин паспорттук маалыматтарын жана жер, техника жана жабдуулар сыяктуу активдери тууралуу маалыматты камтыган реестрди түзүүнү көздөйт. Учурда система 400 миңден ашык фермерди камтыйт. Министрлик өсүмдүк өстүрүү жана мал чарбачылыгы менен алектенген фермерлердин санын аныктоо үчүн мониторинг жүргүзүп, түшүмдү жыйноо жана кайра иштетүү үчүн керектүү техниканы эсепке алууда.
«Бардык процедуралар үчүн цифрлык технологиялар киргизилүүдө: фитосанитардык контрол, өсүмдүктөрдүн карантини, сертификаттоо, ошондой эле импорт жана экспорт процессери. Бардык документтер электрондук форматка өткөрүлдү, бул фермерлерге онлайн режиминде арыз берүү жана сертификат алуу мүмкүнчүлүгүн берет», - деп билдирди министрдин орун басары.
Мындан тышкары, долбоорго жасалма интеллект жана спутниктик мониторинг технологиялары активдүү интеграцияланууда. Дрондорду жана космос сүрөттөрүн колдонуу өсүмдүктөрдүн ооруларын аныктоого, түшүмдү көзөмөлдөөгө жана себүү, сугаруу жана иштетүү убактысы боюнча сунуштар берүүгө жардам берет.
