Агроөнөр жай комплексин мониторингдөө учурунда сүт өндүрүү жана кайра иштетүү процессинде антибиотиктердин көзөмөлсүз колдонулушу боюнча учурлар катталды, бул продукциянын сапатына жана керектөөчүлөрдүн ден соолугуна олуттуу коркунуч туудурат. Ошондой эле сүттү сактоо мөөнөтүн узартуу үчүн антибиотиктерди кошуу учурлары аныкталды.
Министрликтин маалыматына ылайык, сүттө антибиотиктердин болушу төмөнкү терс кесепеттерге алып келиши мүмкүн:
- керектөөчүлөрдүн ден соолугуна коркунуч (аллергиялык реакциялар, антибиотиктерге туруктуулуктун өнүгүшү);
- сүт азыктарынын сапатынын начарлашы (ферментациядагы бузулуулар, йогурт, сыр жана башка буюмдарды өндүрүү мүмкүн эместиги);
- антибиотиктердин калдыктары бар сүттү кабыл алуудан баш тарткан сүт кайра иштетүүчү ишканалардын кесепетинен фермерлердин финансылык жоготуулары, бул өндүрүүчүлөр менен кайра иштетүүчүлөрдүн ортосунда конфликттерди жаратууда.
Профилактикалык максатта химиятерапиялык антибактериалдык ветеринардык препараттарды колдонууга, ошондой эле айыл чарба жаныбарларынын өндүрүмдүүлүгүн стимулдаштыруу үчүн колдонууга тыюу салынат.Башкы бетте иллюстрациялык сүрөт колдонулган: depositphotos.com.
