20 мындай машинканы сатып алуу үчүн министрлер кабинетинин резервдик фондунан 3 миллион сомдон ашык каражат бөлүнгөн. Алардын 10у Бишкекке тапшырылса, калган 10у Ош шаарындагы көрүүсү начар жана соо эмес балдар үчүн атайын жалпы билим берүүчү интернатка жөнөтүлөт.
Perkins Brailler Classic машинкалары билим берүү процессинде алмаштыргыс инструменттер болуп саналат. Алар Брайль системасы боюнча жазууну системалуу жана практикалык үйрөнүүгө, балдардын өз алдынча иштөө көндүмдөрүн өнүктүрүүгө, майда моториканы жакшыртууга жана көңүлдү чогултууга жардам берет. Бул машинкалар ошондой эле мугалимдер үчүн билим берүү процессин жеңилдетүүгө жана коррекциондук, билим берүү жана социалдык иштерди бирдиктүү педагогикалык системага интеграциялап, билим берүүнүн сапатын жогорулатууга көмөктөшөт.
