Россиянын авиациялык базасы "Кант" Кыргызстанда
Россиянын авиациялык базасы "Кант" Кыргызстанда
2003-жылдын 23-октябры күнү Кыргыз Республикасындагы Россиянын авиациялык базасы Канттын расмий ачылышы болду.
Авиациялык базанын негизги милдети — ОДКБнын Жылдам жайгаштыруу күчтөрүнүн аскердик бөлүктөрүнүн аракеттерин абадан колдоо.
Авиациялык базанын тарыхы 1941-жылдын 23-февралында СССРдин Элдик Комиссарынын буйругу менен түзүлгөн Одесса авиациялык пилоттор мектебинен башталат. Мектептин биринчи начальниги болуп Я.Б. Мительман дайындалган. Апрель айында 500дөн ашык курсанттар учуу программасын аткарууга киришкен.
Улуу Ата Мекендик согуштун башталышы менен мектеп окуу иштерин токтотуп, анын курсанттары И-15 учактарында Одессаны гитлерчилердин аба соккуларынан коргоо боюнча согуштук тапшырмаларды аткарууга киришкен.
1941-жылдын июль айында авиациялык мектеп Сталинградга көчүрүлүп, окуу процессине кошо, шаар аймагында душмандын учактарын жок кылуу боюнча сутка бою согуштук кезектешүү уюштурулган.
1941-жылдын декабрь айында пилоттор мектеби Фрунзе (азыркы Бишкек) шаарынын четиндеги жерге кайра жайгаштырылды. Бул жерде, терең арткы тилкеде, фронт үчүн аскердик учкучтарды даярдоо боюнча пландуу иштер жүргүзүлгөн.
1945-жылы мектеп аскердик авиациялык окуу жайына айландырылды, анын негизинде 1951-жылы окуу авиациялык полку түзүлгөн. 1956-жылы полк чет өлкөлүк авиациялык адистерди окутууга киришкен.
Бүгүнкү күндө бириккен Россиянын аскердик авиациялык базасы Кант 14-Армиянын Аскердик-аба күчтөрү жана аба коргоо курамына кирет, Коллективдүү коопсуздук келишимине катышкан мамлекеттердин, анын ичинде Кыргыз Республикасының, аймагында жана аба мейкиндигинде коопсуздукту камсыз кылуу боюнча милдеттерди аткарат.
Базадагы учкучтар жыл сайын контртеррордук багыттагы ар кандай эл аралык машыгууларга катышып, алардын жогорку кесиптик даярдыгын бекемдешет. Базада Су-25 штурмовиктери жана Ми-8МТВ вертолеттору бар.
video=]
