Кант шаары райондук башчылыкка караган шаар. Кыргызча "кант" деген сөздүн мааниси — кант, шаар ушул жерде жайгашкан кант заводуна байланыштуу аталган. 1934-жылы негизделген, шаар статусу 1985-жылы берилген. Шаардын аймагы - 786 га. Шаардын калкы – 22,2 миң адам. Дворлордун саны – 7149. Кант шаары Бишкектен 20 км алыстыкта жайгашкан. Эң жакын "Манас" аэропортуна 45 км. Темир жол станциясы шаар ичинде орун алган. Шаар деңиз деңгээлинен 742 м бийиктикте жайгашкан.
Кант шаарында 23төн ашык ар түрдүү улуттар жашайт, анын ичинде: кыргыздар – 6 миң адам, казактар – 500 адам, өзбектер – 300 адам, орустар – 11600 адам жана башка улуттар.
Шаардын айланасында Россия тарабынан келишим боюнча пайдаланылган Кант аскердик аэродрому жайгашкан. Бишкектен 20 км чыгышта, Кант шаарынан 2 км түштүктө, Чу дарыясынын өрөөнүндө орун алган.
2003-жылдын сентябрь айында Россия Кыргызстан менен Кантта авиациялык бөлүктү жайгаштыруу боюнча 15 жылдык келишим түзгөн. 2009-жылы келишимдин мөөнөтүн дагы 49 жылга узарткан, андан тышкары 25 жылга узартуу мүмкүнчүлүгү бар.
Авиация базасынын негизги милдети — ОДКБнын Коллективдик күчтөрүнүн тез арада жайгашуучу бөлүктөрүнүн аракеттерин абадан колдоо.
