Кыргыз Республикасынын Улуттук коопсуздук комитетинин Чек ара кызматы чет элдик жарандар үчүн укук тартибин жана коопсуздукту камсыз кылуу боюнча тынымсыз иш алып барууда, бул болсо Кыргызстанды ачык жана коопсуз мамлекет катары оң имидж түзүүгө жардам берет.
2025-жылы Кыргызстан чет элдик жарандардын өлкө чегин кесип өтүүсүндө маанилүү өсүштү белгиледи.
2024-жылга салыштырмалуу, киргендердин агымы 18,6 % га, ал эми 2023-жылга салыштырганда 20 % га өстү. Бул маалыматтар Кыргызстанга туристтик жана бизнес активдүүлүк үчүн кызыгуунун өсүп жатканын тастыктайт.
Кыргызстанга келген чет элдик жарандардын статистикасы төмөнкүдөй:
• 2023-жыл — 17 480 097 адам;
• 2024-жыл — 17 682 929 адам (1,2 % га өсүш);
• 2025-жыл — 20 978 965 адам (+18,6 % 2024-жылга карата).
2025-жылы туристтердин санынын мындай өсүшү туристтик инфраструктуранын өнүгүшү, эл аралык транспорттук маршруттардын кеңейиши жана өлкөнүн табигый жана маданий ресурстарын активдүү жайылтуу, ошондой эле бизнес жана инвестициялык байланыштардын көбөйүшү менен түшүндүрүлөт.
Жалпысынан 2025-жылы Кыргызстан аркылуу 37 050 223 адам өткөн, алардын ичинен:
• 18 574 022 адам өлкөгө кирген;
• 18 476 201 адам өлкөдөн чыккан.
Мындан тышкары, чек арадан 3 260 642 транспорт каражаты өткөн, алардын ичинен киргендердин саны 1 690 357 единицаны түздү, бул туристтердин жана эл аралык жүк ташуучулардын жогорку мобилдүүлүгүн көрсөтөт.
Улуттук коопсуздук комитетинин Чек ара кызматы миграциялык мыйзамдардын сакталуусуна катуу көзөмөл жүргүздү. 2025-жылы 28 593 жарандын документтери жараксыз деп табылды, алардын ичинен 28 006 адам чек араны кесип өтүүгө уруксат берилген жок. Эреже бузуу учурларынын натыйжасында 2 031 жаран депортацияланды.
