Ал мораторийдин иштеп турган учурунда жарандарды коргоо механизми бар экенин, ыйгарым укуктуу органдар мыйзам бузуулар боюнча арыздар келип түшкөн учурда пландалбаган текшерүүлөрдү жүргүзүүгө укуктуу экенин жана пайда болгон көйгөйлөрдү ыкчам чечүүгө мүмкүнчүлүк бар экенин кошумчалады.
2024-жылдын 23-майынан баштап «Ломбарддардын иши жөнүндө» мыйзамга насыялар боюнча пайыздык ставкаларды жөнгө салууга байланыштуу өзгөртүүлөр киргизилди. Ар алты ай сайын Улуттук банк орточо номиналдык эффективдүү ставканы эсептейт, ага 12% кошулат.
2026-жылдын 30-июнунда орточо номиналдык ставка 17,17% түздү, ал эми мыйзам боюнча бардык мүлк түрлөрү үчүн белгиленген максималдык ставка жылына 29,99% жетет. Бул шарттар кичи мүлк, мисалы, техника жана алтын буюмдар, ошондой эле чоң активдер, анын ичинде унаалар үчүн тиешелүү.
«Ломбарддар лицензиялоодо эки түргө бөлүнөт: кичи мүлк менен иштегендер жана ири активдерди кабыл алгандар. Түрүнө карабастан, максималдык ставка бирдей - жылына 30%. Айыл жергесинде ал кыйла төмөн болушу мүмкүн, жылына 2,5% чамасында жетет», - деп түшүндүрдү Сүйөркул Ашимжан уулу.
