Маалыматка караганда, Бишкектин Ленин районунун Ички иштер башкармалыгына 1999-жылы туулган жаран М.А. арыз менен кайрылган. Ал 2026-жылдын 25-январында саат 16:00 чамасында А. Бакаев көчөсүндө эки белгисиз адамдын кол салуусуна кабылып, денесине жаракат алганын билдирген.
Бул иш боюнча тергөө жүргүзүлүп, Ленин районунун Ички иштер башкармалыгы тарабынан Кыргыз Республикасынын Кылмыш кодексинин 280-беренеси (Хулигандык) боюнча кылмыш иши козголгон. Тийиштүү соттук-медициналык экспертизалар жүргүзүлгөн. Тергөө учурунда шектүүлөр — 1997-жылы туулган Д.А. жана 1995-жылы туулган Ш.А. аныкталып, кармалган. Алар Кыргыз Республикасынын Кылмыш-процессуалдык кодексинин 96-беренесине ылайык Бишкек шаардык Ички иштер башкармалыгынын убактылуу кармоо жайына жайгаштырылган.
Урматтуу жарандар!
Милиция эскертет:
Көпчүлүк мушташтарга катышуу, агрессивдүү жүрүм-турум же коомдук тартипти бузган кандайдыр бир атайын аракеттер Кыргыз Республикасынын Кылмыш кодексинин 280-беренесине (Хулигандык) ылайык, оор кылмыш жоопкерчилигине тартылат, анын ичинде 5 жылга чейин эркинен ажыратуу мүмкүнчүлүгү бар.
Милиция эскертет:
Көпчүлүк мушташтарга катышуу, агрессивдүү жүрүм-турум же коомдук тартипти бузган кандайдыр бир атайын аракеттер Кыргыз Республикасынын Кылмыш кодексинин 280-беренесине (Хулигандык) ылайык, оор кылмыш жоопкерчилигине тартылат, анын ичинде 5 жылга чейин эркинен ажыратуу мүмкүнчүлүгү бар.
