Социалдык тармактарда талкууга алынган видеодо адам килемдерге боёк төгүп, андан кийин аларды арыктагы суу менен тазалап, өзүнүн товарын жарнамалап жатканын көрүүгө болот.
Окуя Алай районунун РОВДсында катталган, учурда териштирүү иштери жүргүзүлүүдө. Видео 1996-жылы туулган Б. уулу Б. аттуу жаран тарабынан Сары-Ой жайлоосуна алып бараткан жолдо тартылганы белгилүү болду. Анын менен түшүндүрүү иштери жүргүзүлдү.
Текшерүүнүн материалдары мыйзамга ылайык кийинки аракеттер үчүн Ош облустук экологиялык жана техникалык көзөмөл кызматына өткөрүлөт.
