Жакында банктар секторунун өкүлдөрү менен Мамлекеттик салык кызматы жана Кыргызстандын банктар союзунун ортосунда жолугушуу өттү.
Жолугушууда салык мыйзамдарындагы өзгөрүүлөр, «Транзакция салыгы» атайын салык режимин киргизүү жана бул салык ставкасын 0,2% дан 0,1% га төмөндөтүү маселелери талкууланды. Бул Кыргыз Республикасынын 2025-жылдын 31-декабрында кабыл алынган мыйзамынын негизинде мүмкүн болду.
Мындан тышкары, транзакция салыгын башкарууну жеңилдетүү жана автоматташтырылган кызматтарды киргизүү боюнча биргелешкен иш алып баруу маселелери да талкууланды.
Учурдагы салык мыйзамдарына ылайык, эсеп ачылган банк салык агенттиги катары иш алып барып, транзакциялар жүргүзүлгөндө бул салыкты кармап, бюджетке которуп турат.
Транзакцияларды жүргүзгөн субъекттер «Транзакция салыгы» атайын салык режимин гана колдонушу мүмкүн, ошондой эле Кыргыз Республикасынын аймагында башка кандайдыр бир ишмердүүлүктү жүргүзүүгө тыюу салынат.
Транзакциялар менен алектенген салык төлөөчүлөр 2026-жылдын 1-февралына чейин салык каттоосунун орду боюнча атайын салык режимине өтүү боюнча арыз бериши керек.
