Прокурордун пикири боюнча, күчтүү жана өнүккөн мамлекет куруу жаш муундун — өлкөнүн келечегинин — физикалык, интеллектуалдык, моралдык жана руханий жактан толук өнүгүшүн коргоо жана камсыздоону талап кылат. Башкача айтканда, балдардын укуктарын коргоо мамлекеттин эң маанилүү милдеттеринин бири болуп саналат. Бул шарттарда прокуратура органдары жашы жете элек адамдардын укуктарын жана мыйзамдуу кызыкчылыктарын коргоо жаатында негизги орунду ээлейт. Бирок, булка карабастан, айрым аймактарда өспүрүмдөр тарабынан жасалган кылмыштар катталып жатат.
Ошентип, Ат-Баши районунун аймагында 2025-жыл ичинде жашы жете элек адамдар тарабынан 6 кылмыш жасалган. Тергөө иштеринин жыйынтыгы боюнча 2 кылмыш иши сотко жөнөтүлгөн, 3 иш боюнча өндүрүш токтотулган, дагы 1 иш боюнча баланы кылмыш адилеттиги системасынан чыгаруу максатында алдын ала өндүрүштү токтотуу боюнча негиздүү чечим кабыл алынган. Чечим Кыргыз Республикасынын Кылмыш-процессуалдык кодексинин 467-беренесине ылайык кабыл алынган, тиешелүү келишим түзүлгөн, андан кийин жашы жете элек адам кылмыш адилеттиги системасынан чыгарылган.
Прокурордун маалыматы боюнча, бул жашы жете элек адамдын биринчи жолу жеңил кылмыш жасагандыгы менен байланыштуу, ал сот тарабынан жазадан бошотулуп, пробациялык көзөмөл же мажбурлоо чаралары колдонулуп, кылмыш адилеттиги системасынан чыгарылышы мүмкүн.
Жашы жете элек адамдар тарабынан жасалган 6 кылмыштын 2си оор кылмыштарга, 4ү жеңил кылмыштарга жана азыраак коркунучтуу кылмыштарга кирет.
Жашы жете элек адамдарга каршы жасалган кылмыштар боюнча 5 кылмыш иши козголгон. Тергөө жыйынтыктары боюнча 2 иш сотко жөнөтүлгөн, 3 иш токтотулган.
Жашы жете элек адамдарга каршы жасалган 5 кылмыштын 2си оор кылмыштарга, 1и өтө оор кылмышка, 2си жеңил кылмыштарга жана азыраак коркунучтуу кылмыштарга кирет.
Жүргүзүлгөн анализ жашы жете элек адамдар арасындагы кылмыштуулуктун негизги себептери катары жакындары тарабынан тиешелүү көзөмөлдүн жоктугун, ата-энелердин чет өлкөгө эмгек миграциясына кетишин, социалдык көйгөйлөрдү, өспүрүм (өтүү) курагында болууну жана башка факторлорду белгиледи.
Ат-Баши районунун прокуратурасы, прокурор Айбек Шерматовдун маалыматы боюнча, жашы жете элек адамдарга каршы кылмыштуулукту азайтууга багытталган алдын алуу иштерин туруктуу негизде жүргүзүп жатат.
