Бишкекте билим берүү мекемелеринин жетекчилери үчүн жыйын өткөрүлдү
Шаардык администрациянын маалыматына ылайык, 2026-жылдын 29-январында № 115 мектепте билим берүү мекемелеринин директорлору үчүн уюштурулган жыйын өттү.
Иш-чарада билим берүүнүн сапатын контролдоо жана методикалык колдоо бөлүмүнүн жетекчиси Гульмира Акматова 2025-жылга байланыштуу билим берүү процессин контролдоо жана текшерүү боюнча жыйынтыктарды чагылдырган аналитикалык маалыматты сунуштады, ошондой эле жалпы билим берүү уюмдарын методикалык колдоо маселелери талкууланды.
Мамлекеттик санитардык-эпидемиологиялык көзөмөл борборунун (ЦГСЭН) адистери мектептерде туберкулез, курч респиратордук вирустук инфекциялар жана грипптин алдын алуу маанилүүлүгүн баса белгилешти.
Мындан тышкары, Өзгөчө кырдаалдар министрлигинин өрт көзөмөл кызматынын өкүлдөрү мектептерде коопсуздукту камсыздоо жана коопсуз билим берүү чөйрөсүн түзүү боюнча чаралар жөнүндө кенен маалымат беришти.
Жыйында коопсуз жана сапаттуу билим берүү процессин уюштуруу боюнча башка маанилүү маселелер да каралды. Иш-чарага 128 адам катышты.
